இன்றைய டிஜிட்டல் உலகில் எப்போது எது வைரலாகும் என்று சொல்ல முடியாது. அந்த வகையில், தென்னிந்தியத் திரையுலகின் வளர்ந்து வரும் நட்சத்திரமான மமிதா பைஜு, கோகோ கோலா நிறுவனத்திற்காக நடித்த புதிய விளம்பரம் இப்போது இணையதளங்களில் காட்டுத்தீயாய் பரவி வருகிறது.
அந்த விளம்பரத்தில் மமிதா மிகச் சாதாரணமாக, “அண்ணா, ரெண்டு பரோட்டா!” என்று ஆர்டர் செய்யும் விதம், பார்ப்பவர்களைக் கவர்ந்து இழுக்கிறது. அதிலும் அந்தப் பரோட்டாவைச் சாப்பிட்டுவிட்டு, ஜில்லென்று ஒரு கோக் குடிக்கும்போது அவர் சொல்லும் “பரோட்டாااஹ்!” என்ற அந்த ஒரு வார்த்தைதான் இப்போது மீம்ஸ் கிரியேட்டர்களின் விருப்பமான ஒன்றாகிவிட்டது.
“இந்த விளம்பரத்தின் வெற்றி அதன் இயல்புத்தன்மையில் தான் இருக்கிறது,” என்று விளம்பரத் துறை வல்லுநர்கள் கூறுகிறார்கள். மமிதா பைஜுவின் அந்தப் பக்கத்து வீட்டுப் பெண் போன்ற தோற்றம், பார்ப்பவர்களையும் அந்த உணவகத்தில் அமர்ந்து சாப்பிடுவது போன்ற உணர்வைத் தருகிறது.
தென்னிந்தியாவில் பரோட்டா என்பது வெறும் உணவு மட்டுமல்ல, அது ஒரு கலாச்சாரம். அந்த உணர்வோடு கோகோ கோலாவை இணைத்தது இந்த விளம்பரத்தின் மிகப்பெரிய பலம். மமிதாவின் ஒவ்வொரு அசைவும், குறிப்பாக அந்தச் சிரிப்பு, ரசிகர்களைக் கட்டிப்போட்டுள்ளது.
சமூக வலைதளங்களில் ரசிகர்கள், “இது என் மண்டையிலேயே ஓடிக்கொண்டிருக்கிறது,” என்றும், சிலர் மமிதாவை நடிகை அசினுடன் ஒப்பிட்டும் கமெண்ட் செய்து வருகின்றனர். “பரோட்டா…” என்ற அந்த ஒற்றைச் சொல்லும், மமிதாவின் எக்ஸ்பிரஷன்களும் இன்ஸ்டாகிராம் ரீல்ஸ்களில் அதிகம் பகிரப்பட்டு வருகின்றன.
இதற்கிடையில், இந்த விளம்பரத்தைப் பார்த்த ரசிகர்கள் சிலர் விளையாட்டாக, “போவாண்டோ தான் பெஸ்ட்!” என்றும் கமெண்ட் செய்து வருகின்றனர். எது எப்படியோ, மமிதா பைஜுவின் இந்த “பரோட்டா” மேஜிக் இப்போது இணையத்தின் டாப் ட்ரெண்டிங்!