“புராஜெக்ட் ஹெய்ல் மேரி” படத்தின் இறுதி டிரெய்லர் ஒரு மிகப்பெரிய ஆபத்தோடு தொடங்குகிறது. ரைய்லான்ஸ் கிரேஸ் (ரயன் கோஸ்லிங்), பூமியில் உள்ள அனைத்து உயிர்களும் அழியும் நிலையில் இருப்பதை உணர்ந்து, அதைத் தடுக்க ஒரு ரகசிய விண்வெளிப் பயணத்தை மேற்கொள்கிறார். “நாம் எதுவும் செய்யவில்லை என்றால், இந்தப் பூமியில் உள்ள அனைத்தும் அழிந்துவிடும்” என்ற வசனம் படத்தின் தீவிரத்தை உணர்த்துகிறது.
விண்வெளியில் தனித்து விடப்படும் கிரேஸ், அங்கே மற்றொரு கிரகத்தைச் சேர்ந்த ஒரு பயணியைச் சந்திக்கிறார். அவருக்கு ‘ராக்கி’ என்று பெயரிடுகிறார். கிரேஸைப் போலவே, ராக்கியும் தனது கிரகத்தைக் காப்பாற்றப் போராடும் ஒருவர்தான். இருவரும் இணைந்து, ஒருவருக்கொருவர் பேசக் கற்றுக்கொண்டு, பூமியையும் ராக்கியின் கிரகத்தையும் காப்பாற்றப் போராடுகிறார்கள்.
பல்வேறு ஆபத்துக்கள் நிறைந்த இந்தப் பயணத்தில், “இது எனது கடைசிப் பயணமாக இருக்கலாம்” என்று கிரேஸ் உணரும்போது, ராக்கி அவருக்கு ஆதரவாக நிற்பது நெகிழ்ச்சியை ஏற்படுத்துகிறது. “நான் கிரேஸை சாக விடமாட்டேன்” என்று ராக்கி கூறும் இடம் ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.
பிரபல இயக்குநர்கள் ஃபில் லார்ட் மற்றும் கிறிஸ்டோபர் மில்லர் இணைந்து இயக்கியுள்ள இந்தப் படம், 2026 மார்ச் 26 அன்று திரையரங்குகளில் வெளியாக உள்ளது.